Razi Nurullayev: “Azərbaycan startaplarının qlobal bazarda rəqabət aparmaq potensialı var”

TEİ FORUM 2026 Azərbaycanda startap ekosisteminin inkişafı, gənc sahibkarların təşviqi və innovativ layihələrə investisiyaların cəlb olunması baxımından mühüm platformadır. Milli Məclisin deputatı Razi Nurullayev forumda təqdim edilən bəzi startapların gələcəkdə qlobal şirkətlərlə rəqabət aparmaq, hətta onları qabaqlamaq potensialına malik olduğunu bildirib.

PostNews xəbər verir ki, bunu Milli Məclisin Aqrar siyasət komitəsinin sədr müavini Razi Nurullayev Bakıda keçirilən TEI Forum 2026 (Trade, Export & Innovation Forum) çərçivəsində deyib.

Deputat forumun startap ekosisteminin inkişafına və gənc sahibkarların təşviqinə töhfə verdiyini vurğulayıb. O, tədbir zamanı müxtəlif startapların stendləri ilə tanış olduğunu, gənc təsisçilərlə görüşdüyünü və onların hazırladıqları məhsullar barədə məlumat aldığını söyləyib.

Startaplara investisiya və beynəlxalq bazara çıxış imkanları

Razi Nurullayevin sözlərinə görə, gənc sahibkarlara lazımi dəstəyin göstərilməsi və onların layihələrinə investisiyaların cəlb olunması Azərbaycan startaplarının beynəlxalq bazarlara çıxış imkanlarını genişləndirə bilər.

“Gənc sahibkarlara lazımi dəstək göstərilməsi, onların layihələrinə investisiyaların cəlb olunması Azərbaycan startaplarının beynəlxalq bazara çıxış imkanlarını genişləndirə bilər. Forumda təqdim olunan bir sıra innovativ layihələr diqqətimi çəkib”, – deputat qeyd edib.

Azərbaycan startaplarının qlobal rəqabət potensialı

Deputat hesab edir ki, TEI Forum 2026-da təqdim olunan startaplardan bəziləri gələcəkdə qlobal bazarda fəaliyyət göstərən şirkətlərlə rəqabət aparmaq potensialına malikdir.

Onun fikrincə, bu layihələrdən bəziləri beynəlxalq şirkətləri qabaqlamaq imkanına da sahib ola bilər.

TEI Forum 2026 ticarət, ixrac, investisiya və innovasiya istiqamətlərində biznes əlaqələrinin genişləndirilməsini, startaplarla investorlar arasında əməkdaşlığın qurulmasını hədəfləyən platforma kimi təşkil olunub.