2025-ci ildə Azərbaycandan Fransaya 143,1 milyon ABŞ dolları dəyərində 281,1 min ton bitumlu süxurlardan əldə olunmuş xam neft və neft məhsulları ixrac olunub.
PostNews xəbər verir ki, bu göstərici 2024-cü illə müqayisədə dəyər ifadəsində 54,8 milyon dollar və ya 1,6 dəfə, həcm baxımından isə 128,5 min ton və ya 1,8 dəfə artım deməkdir.
Hesabat dövründə Fransa Azərbaycandan neft ixracında 12-ci yerdə qərarlaşıb.
2025-ci ildə Azərbaycandan dünyanın 21 ölkəsinə bitumlu süxurlardan əldə olunan xam neft və neft məhsulları üzrə 23,4 milyon ton məhsul ixrac olunub, ixracın ümumi dəyəri isə 12,1 milyard ABŞ dolları təşkil edib.
Bildirilib ki, 2024-cü ilin müvafiq dövrü ilə müqayisədə ümumi ixrac dəyəri 2,4 milyard dollar və ya 16,2% azalsa da, fiziki həcm 215 min ton və ya 0,9% artıb. Bu məhsulların ixracı ölkənin ümumi ixrac həcminin 48,28%-ni təşkil edib.
