PostNews — Azərbaycan və dünyada baş verən mühüm hadisələri operativ, dəqiq və obyektiv şəkildə təqdim edən xəbər və informasiya portalıdır. İqtisadiyyat, maliyyə, biznes, siyasət, cəmiyyət və digər aktual istiqamətlər üzrə xəbərlər, müsahibələr və analitik materiallar yayımlayır.
2025-ci il ərzində Azərbaycanın bank sektoru 1,162 milyard manat həcmində xalis gəlir əldə edib. Bu göstərici ötən ilin eyni dövrü ilə müqayisədə 117 milyon manat və ya 11% artım deməkdir.
PostNews Azərbaycan Mərkəzi Bankına istinadən xəbər verir ki, 2025-ci ildə banklar ümumilikdə 316,8 milyon manat həcmində gəlir vergisi ödəyiblər.
Qeyd edək ki, 31 dekabr 2025-ci il tarixinə fəaliyyət göstərən 22 bankın filiallarının sayı 502, şöbələrinin sayı 87, ATM-lərin sayı isə 3,486 olub. Hesabat ayında bank sektorunda çalışanların sayı 1,4% və ya 369 nəfər artaraq 27,389 nəfərə, ilin əvvəli ilə müqayisədə isə 8% və ya 2,026 nəfər artıb.
Fəaliyyətdə olan bankların cəmi aktivləri 57,1 milyard manat, cəmi öhdəlikləri 49,7 milyard manat, balans kapitalı isə 7,3 milyard manat təşkil edib. 2025-ci il ərzində bankların cəmi aktivləri 7,7%, cəmi öhdəlikləri 7,2%, balans kapitalı isə 11% artıb.