2025-ci ilin yanvar-noyabr ayları ərzində Azərbaycandan İran İslam Respublikasına 34,453 milyon kVt/saat həcmində elektrik enerjisi ixrac edilib.
PostNews Dövlət Statistika Komitəsinə istinadən xəbər verir ki, bu ixracdan əldə olunan gəlir təqribən 979 min ABŞ dolları təşkil edib.
İrana elektrik ixracı 2024-cü ilin eyni dövrü ilə müqayisədə həcm baxımından 806 min kVt/saat (2,4%), dəyər ifadəsində isə 23 min ABŞ dolları (2,4%) artım göstərib.
Eyni dövrdə İrandan Azərbaycana 31,951 milyon kVt/saat həcmində elektrik enerjisi satılıb, gəlir isə 908 min ABŞ dolları olub. Bu, 2024-cü ilin eyni dövrü ilə müqayisədə həcm baxımından 380 min kVt/saat (1,2%), dəyər baxımından isə 10 min ABŞ dolları (1,1%) azalma deməkdir.
Qeyd edək ki, 2025-ci ilin yanvar-noyabr ayları ərzində Azərbaycandan ümumilikdə Rusiya, Gürcüstan, İran və Türkiyəyə 1,221 milyard kVt/saat həcmində elektrik enerjisi ixrac olunub və bu, 69,7 milyon ABŞ dolları dəyərində gəlir gətirib. Həmçinin hesabat dövründə Azərbaycan Rusiya, Gürcüstan və İrandan 167,5 milyon kVt/saat həcmində elektrik enerjisi idxal edib, dəyəri isə 7,2 milyon ABŞ dolları təşkil edib.
