2025-ci ildə Azərbaycanın “Abşeron” yatağında kondensat hasilatı 0,6 milyon ton təşkil edib.
PostNews xəbər verir ki, bu barədə məlumat Energetika Nazirliyinə istinadən verilib. Qeyd olunur ki, 2024-cü ilin eyni dövrü ilə müqayisədə “Abşeron” yatağında kondensat hasilatı dəyişməyib.
Xatırladaq ki, 2025-ci ilin yanvar-dekabr ayları üzrə əməliyyat məlumatlarına görə, Azərbaycanda 27,7 milyon ton neft (qaz kondensatı da daxil olmaqla) hasil edilib.
“Abşeron” yatağı Xəzər dənizində, Bakıdan təxminən 100 km cənub-şərqdə və “Şahdəniz” yatağından 25 km şimal-şərqdə yerləşir. Kondensat və qaz hasilatı isə JOCAP tərəfindən idarə olunan tək bir dərin dəniz quyusundan istifadə edərək erkən istehsal layihəsi çərçivəsində 2023-cü ilin iyul ayından bəri davam edir.
