İnsan orqanizmində WNT siqnal yolunda baş verən genetik səhvlər bəzi hallarda bağırsaq və qaraciyər hüceyrələrinin nəzarətsiz böyüməsini stimullaşdıra bilər.
PostNews-un məlumatına görə, bu nəticələr Qlazqo Universitetinin tədqiqatçı qrupu tərəfindən müəyyən olunub və araşdırma “Nature Genetics” (NatGen) jurnalında dərc edilib.
Alimlər aydınlaşdırıblar ki, eyni mutasiyalar niyə yalnız müəyyən toxumalarda xərçəng yaradır, amma bütün orqanizmdə eyni təsir göstərmir.
Araşdırmaya görə, səbəb hüceyrədə zülal sintezini tənzimləyən NPM1 (nukleofosmin) zülalının fəaliyyəti ilə bağlıdır. Normal yetkin toxumalarda NPM1 kritik rol oynamasa da, bağırsaq və qaraciyər xərçənginin bəzi növlərində onun səviyyəsi kəskin artır. WNT yolundakı mutasiyalar isə şiş hüceyrələrinə bölünmə vaxtını idarə edən siqnal sistemini “ələ keçirməyə” imkan verir. Nəticədə hüceyrələr nəzarətsiz çoxalır və şiş əmələ gəlir.
Tədqiqatın rəhbəri, professor Ouen Senson bildirir ki, əgər NPM1 bloklansa, xərçəng hüceyrələri zülalları düzgün sintez edə bilmir. Bu isə təbii şiş-supressor mexanizmləri işə düşür və şişin böyüməsini ləngidir.
