Bankın məlumatına görə, e-commerce xidməti vasitəsilə şirkətlər öz elektron ticarət saytlarına “Onlayn ödə” düyməsini əlavə edərək müştərilərinə rahat elektron ödəniş imkanı yarada bilirlər. Bu həll bizneslərin satış həcmini artırmağa və müştəri xidmətlərini daha əlçatan etməyə kömək edir.
Xidmətin əsas üstünlükləri sırasında maksimum 3 iş günü ərzində qoşulma, sərfəli əməliyyat xərcləri, UCard və keşbek layihələrində iştirak imkanı, bankın digər layihələrinə qoşularaq biznesin genişləndirilməsi, əməliyyatlara onlayn nəzarət və ödənişlərin ləğv edilməsi imkanları yer alır.
Bundan əlavə, istifadəçilər əməliyyatlar barədə SMS və ya e-mail bildirişləri ala, pulsuz internet bankçılıq xidmətindən yararlana, çatdırılma xidməti üçün mobil POS-terminal əldə edə və 24 saat fəaliyyət göstərən texniki dəstək xidmətindən istifadə edə bilərlər.
Unibankın e-commerce xidmətinə qoşulma ödənişsizdir. Xidmət üzrə illik xidmət haqqı isə 100 AZN təşkil edir. Bankın təqdim etdiyi bu həll onlayn satışla məşğul olan sahibkarlar üçün ödənişlərin qəbulunu daha rahat və effektiv şəkildə təşkil etməyə imkan verir.
