Sea Breeze-də ilk çoxzallı CineMastercard kinoteatrı açılacaq

Şəhər-kurort Sea Breeze və CineMastercard kinoteatrlar şəbəkəsi Sea Breeze ərazisində ilk çoxzallı CineMastercard kinoteatrının açılması ilə bağlı müqavilə imzalayıb.

PostNews xəbər verir ki, müqavilə 2 oktyabr tarixində imzalanıb. Yeni kinoteatr Sea Breeze-də inşa edilən Venetian Harbour kompleksində yerləşəcək və filmlərin nümayişi üçün müasir texnologiyalarla təchiz olunacaq.

Sazişi Sea Breeze şirkətinin kommersiya icarəsi üzrə direktoru Elbəy Rzayev və CineMastercard kinoteatrlar şəbəkəsinin baş direktoru Zaur Darabzadə imzalayıblar.

Kinoteatr Marina Venetian Harbour-da yerləşəcək

Yeni CineMastercard kinoteatrı Halfmoon yarımadasının yaxınlığında inşa edilən Venetian Harbour ticarət və ictimai kompleksinin sahilyanı davamı olan Marina Venetian Harbour-un bir hissəsi olacaq.

Layihə beynəlxalq brendlərin butikləri, restoranlar və müxtəlif istirahət məkanlarının fəaliyyət göstərəcəyi dənizkənarı mini-şəhər konsepsiyası əsasında hazırlanıb.

Kompleksdə küçələr, xiyabanlar, meydanlar, daxili həyətlər və terraslardan ibarət iki səviyyəli piyada infrastrukturu nəzərdə tutulub.

Venetian Harbour-un icarə sahəsi 24 430 kvadratmetr olacaq

Venetian Harbour-un ümumi icarəyə verilə bilən sahəsi 24 430 kvadratmetr təşkil edəcək.

Kompleks memar Sergey Çobanın layihəsi əsasında inşa edilir.

Layihənin əsas memarlıq elementlərindən biri mayak qülləsi olacaq. Qüllənin ətrafında restoranların və yaşıllıq zonalarının yerləşəcəyi açıq meydanların yaradılması planlaşdırılır.

Beləliklə, kompleks ticarət və iaşə obyektləri ilə yanaşı, əyləncə və istirahət məkanlarını da bir ərazidə birləşdirəcək.

CineMastercard şəbəkəsinə 11 kinoteatr daxildir

CineMastercard Azərbaycanın ən böyük kinoteatr şəbəkələrindən biridir. Şəbəkə Bakı ilə yanaşı, ölkənin digər şəhərlərində fəaliyyət göstərən ümumilikdə 11 kinoteatrı birləşdirir.

Kinoteatrlarda istifadə olunan müasir texnoloji avadanlıqlar tamaşaçılara filmləri dünya premyeraları ilə eyni vaxtda izləməyə imkan verir.

CineMastercard kinoteatrlarında Skybox zalları, xüsusi qonaqlar üçün iki VIP DIAMOND zalı, həmçinin 4DX və ScreenX texnologiyaları təqdim olunur.

Sea Breeze ərazisində yeni çoxzallı kinoteatrın açılması ilə CineMastercard şəbəkəsinin əyləncə infrastrukturu Venetian Harbour layihəsinə də daxil olacaq.

 

1 of 7

- +

1.

2.

3.

4.

5.

6.

7.