2025-ci ildə İpoteka və Kredit Zəmanət Fondunun (İKZF) xətti ilə 443 milyon manat məbləğində kredit verilib.
PostNews Azərbaycan Mərkəzi Bankına istinadən xəbər verir ki, bu göstərici 2024-cü illə müqayisədə 2,9 milyon manat və ya 0,7% çoxdur.
Hesabat dövründə fondun yenidən maliyyələşdirdiyi kreditlərin həcmi 434,9 milyon manat təşkil edib. Bu isə əvvəlki illə müqayisədə 12,4 milyon manat və ya 2,8% azalma deməkdir.
Eyni zamanda, dövr ərzində fondun yerləşdirdiyi istiqrazların həcmi 50 milyon manat və ya 8,3% artaraq 650 milyon manata çatıb.
Bundan başqa, hesabat dövründə dövlət büdcəsindən İKZF-yə ayrılmış vəsaitin həcmi 2,5 milyon manat və ya 2,8% azalaraq 85,2 milyon manat olub.
