PostNews xəbər verir ki, modelin uzunluğu, eni və hündürlüyü müvafiq olaraq 4760x1907x1700 mm təşkil edir. “HONGQI HS5” 2.0 litrlik turbo mühərrik, 6 pilləli AİSİN avtomatik sürətlər qutusu və 4 silindrli mühərriklə təchiz edilib.
Avtomobil tam (4×4) ötürücü sisteminə malikdir. Mühərrikin maksimum gücü 165 kW, avtomobilin çəkisi 1795 kq, təkərlərin ölçüsü isə 255/45 R20-dir.
“HONGQI HS5” modelinin kuzov konstruksiyasında 60%-dən çox yüksək möhkəmlikli polad təbəqədən istifadə edildiyi bildirilir. Konstruksiyada həmçinin 1500 MPa yüksək möhkəmliyə malik termoformasiya edilmiş polad təbəqələrə yer verilib.
Avtomobilin xarici dizaynında LED işıqlandırma elementləri tətbiq olunub. “Hongqi qanadı” adlandırılan qarşılama işığı sistemi avtomobilə yaxınlaşdıqda LED işıqların avtomatik aktivləşməsini təmin edir.
Salonun təchizatına yan tərəfləri tənzimlənən baş dayaqları, qızdırılan və havalandırılan oturacaqlar daxildir.
“HONGQI HS5” modelində beş sürücülük rejimi təqdim olunur. Bunlar ekonom, komfort, sport, yağış və qar rejimləridir. Sürüş rejimləri ağıllı asma idarəetmə sistemi ilə birlikdə fəaliyyət göstərir.
Model müxtəlif rəng seçimləri ilə satışa təqdim edilir.
