Danimarka hökuməti Qrenlandiyada hərbi kontingentini artırmaq qərarını açıqlayıb.
PostNews xarici KİV-ə istinadən xəbər verir ki, bunu Danimarkanın müdafiə naziri Troels Lund Poulsen bildirib.
Onun sözlərinə, bu qərar Vaşinqtonun Danimarkanın muxtar ərazini müdafiə etmək potensialının kifayət etmədiyi ilə bağlı mesajından sonra verilib:
“Biz Qrenlandiyada hərbi mövcudluğumuzu genişləndirməyə davam edəcəyik.”
O əlavə edib ki, Danimarka NATO çərçivəsində bölgədə hərbi təlimlərin keçirilməsinə daha çox diqqət ayıracaq və alyans qüvvələrinin Arktikadakı mövcudluğunun artırılmasını dəstəkləyəcək.
Qrenlandiya Danimarkanın tərkibində muxtar ərazi statusuna malikdir. 1951-ci ildə Vaşinqton və Kopenhagen NATO üzrə müttəfiqlik öhdəliklərinə əlavə olaraq Qrenlandiyanın müdafiəsi haqqında müqavilə imzalayıblar. Sənədə əsasən, ABŞ adanı mümkün xarici təcavüzdən qorumaq öhdəliyini üzərinə götürüb.
