8 yanvar 2026-cı il tarixində Bakı Fond Birjasının (BFB) Listinq Komitəsinin qərarı ilə BOKT “International” ASC-nin istiqrazlarının ticarətə buraxılması üçün “Ticarətə İcazə” verilib.
PostNews xəbər verir ki, qeyd olunan qiymətli kağızların yerləşdirilməsi üzrə hərrac 22.01.2026-cı il tarixində keçiriləcək. İstiqrazların emissiya prospekti BFB-nin rəsmi internet səhifəsində “Emitentin profili” bölməsində yerləşdirilib.
İstiqrazlar üzrə əsas məlumatlar:
- Emitentin adı: BOKT “International” ASC
- İSİN (dövlət qeydiyyat nömrəsi): AZ2042021025
- İstiqrazların növü və forması: Faizli təmin edilməmiş, sənədsiz, adlı istiqraz
- Ticarət üsulu/forması: Kütləvi / Rəqabətli hərrac
- İstiqrazların sayı: 10 000 ədəd
- İlkin ticarət qiyməti: 100 manat
- Buraxılış həcmi: 1 000 000 manat
- İllik gəlirlilik faizi: 18%
- Ödəmə periodu: Hesablanmış faizlər, buraxılışda olan ilk istiqrazın yerləşdirildiyi tarixdən etibarən hər 30 gündən bir ödəniləcək
- Tədavül müddəti: 3 il
- Ticarətə buraxılma tarixi: 22.01.2026
- Anderrayter: “PAŞA Kapital İ.Ş.” QSC
Məlumata görə, istiqrazlar rəqabətli hərrac mexanizmi vasitəsilə investorların ixtiyarına veriləcək və 18% illik gəlirlilik səviyyəsi ilə bazarda diqqət cəlb edir.
