Reklam
Reklam
Reklam

Azərbaycanda pensiyaçıların sayı azalıb, orta pensiya 596 manata çatıb

2026-cı il oktyabrın 1-nə Azərbaycanda 1 milyon 94,2 min pensiyaçı qeydiyyatda olub. Bu, ötən ilin eyni dövrü ilə müqayisədə 5,8 min nəfər azdır. Eyni zamanda, təyin olunmuş aylıq pensiyaların orta məbləği illik müqayisədə 10,3% artaraq 595,8 manata yüksəlib.

PostNews xəbər verir ki, bu barədə Dövlət Statistika Komitəsinin məlumatında bildirilib.

Azərbaycanda pensiyaçıların sayı azalıb

Məlumata əsasən, 2025-ci il oktyabrın 1-də ölkədə 1 milyon 100 min pensiyaçı qeydə alınıb. 2026-cı ilin eyni tarixinə onların sayı 1 milyon 94,2 min nəfər təşkil edib.

Beləliklə, bir il ərzində pensiyaçıların sayı 5,8 min nəfər və ya təxminən 0,5% azalıb.

Hazırda pensiyaçılar ölkə əhalisinin 10,6%-ni təşkil edir.

Orta aylıq pensiya 595,8 manat olub

Dövlət Statistika Komitəsinin məlumatına görə, təyin olunmuş aylıq pensiyaların orta məbləği ötən ilin müvafiq dövrü ilə müqayisədə 10,3% artaraq 595,8 manata çatıb.

Orta aylıq pensiyanın məbləği ölkə üzrə orta aylıq əməkhaqqının 50,8%-nə bərabər olub.

Paylaş: