2025-ci ildə Azərbaycana idxal edilən palma yağlarının həcmi 36 faiz azalıb.
PostNews xəbər verir ki, bunu Azərbaycan Qida Təhlükəsizliyi İnstitutunun (AQTİ) İdarə heyətinin sədri Əli Nəbiyev ilin yekunlarına həsr olunmuş mətbuat konfransında bildirib.
Əli Nəbiyev vurğulayıb ki, idxal edilən bütün məhsullar ekspertizadan keçirilir:
“Hər hansı uyğunsuzluq halı aşkarlandıqda məhsulun dövriyyəyə buraxılmasının qarşısı alınır. Qeyd edim ki, ötən il ölkəyə idxal edilən palma yağlarının miqdarı xeyli azalıb”, – deyə o əlavə edib.
Onun sözlərinə görə, qida təhlükəsizliyinin təminatı, idxal edilən məhsulların keyfiyyətinin yoxlanılması və potensial risklərin qarşısının alınması AQTİ-nin əsas prioritetlərindəndir.
Beləliklə, 2025-ci ildə palma yağı idxalındakı azalma Azərbaycanın qida təhlükəsizliyi siyasətinin nəticəsi kimi qiymətləndirilir və gələcəkdə idxalın keyfiyyətə nəzarət altında saxlanacağı bildirilib.
