Çexiyanın nəqliyyat naziri Bakı Dəmiryol Vağzalında olub – YENİ TEXNOLOGİYALAR TƏQDİM EDİLİB

Çexiya Respublikasının nəqliyyat naziri İvan Bednarikin rəhbərlik etdiyi nümayəndə heyəti Azərbaycana səfəri çərçivəsində Bakı Dəmiryol Vağzalını ziyarət edib. Qonaqlara Azərbaycan Dəmir Yollarının sərnişindaşıma sahəsində həyata keçirdiyi layihələr və rəqəmsal xidmətlər təqdim olunub.

PostNews xəbər verir ki, bu barədə “Azərbaycan Dəmir Yolları” QSC (ADY) məlumat yayıb.

Çexiyanın nəqliyyat naziri ADY-nin fəaliyyəti ilə tanış olub

ADY-nin sədri Rövşən Rüstəmov Çexiya nümayəndə heyətinə qurumun fəaliyyəti, sərnişindaşıma sahəsində həyata keçirilən layihələr və Bakı Dəmiryol Vağzalının infrastrukturu barədə məlumat verib.

Görüş zamanı sərnişinlərə göstərilən xidmətlər, xidmət keyfiyyətinin yüksəldilməsi və sərnişin məmnuniyyətinin artırılması istiqamətində görülən işlər diqqətə çatdırılıb.

SİMA Pay üztanıma ilə ödəniş sistemi təqdim edilib

Ziyarət çərçivəsində ADY-nin sərnişin xidmətlərinin rəqəmsallaşdırılması sahəsində tətbiq etdiyi yeniliklər də nümayiş etdirilib.

Qonaqlara SİMA Pay üztanıma ilə ödəniş sisteminin iş prinsipi təqdim olunub.

ADY-nin məlumatına görə, bu texnologiya ölkənin ictimai nəqliyyat sistemində ilk dəfə məhz dəmir yollarında tətbiq edilib.

Üztanıma texnologiyasına əsaslanan ödəniş həlli sərnişin xidmətlərində rəqəmsal imkanların genişləndirilməsi istiqamətində həyata keçirilən yeniliklərdən biridir.

Bakı Dəmiryol Vağzalının infrastrukturu nümayiş etdirilib

Səfər zamanı Çexiyanın nəqliyyat naziri İvan Bednarik Bakı Dəmiryol Vağzalında sərnişinlər üçün yaradılmış şərait və müasir xidmət imkanları ilə tanış olub.

Nazir sərnişindaşıma sahəsində müasir yanaşmaların tətbiqinin xüsusi əhəmiyyət daşıdığını vurğulayıb.

Ziyarət çərçivəsində nümayəndə heyətinə ADY-nin sərnişin xidmətlərinin inkişafı və rəqəmsal texnologiyaların tətbiqi istiqamətində gördüyü işlər barədə məlumat verilib.

 

1 of 4

- +

1.

2.

3.

4.