2025-ci il üzrə operativ məlumatlara əsasən, Azərbaycanda külək elektrik stansiyalarında 169,7 milyon kVt·st, günəş elektrik stansiyalarında 599,8 milyon kVt·st, Bərk Məişət Tullantılarının Yandırılması Zavodunda isə 222,1 milyon kVt·st elektrik enerjisi istehsal edilib.
PostNews Energetika Nazirliyinə istinadən xəbər verir.
Məlumata görə, 2024-cü illə müqayisədə ölkədə:
- Külək elektrik enerjisi istehsalı 118,6 milyon kVt·st (3,3 dəfə) artıb
- Günəş elektrik enerjisi istehsalı 43,5 milyon kVt·st (7,8%) artıb
- Bərk Məişət Tullantılarının Yandırılması Zavodunda elektrik enerjisi istehsalı 10,4 milyon kVt·st (4,5%) azalıb
Ümumilikdə, külək və günəş elektrik stansiyalarında 2024-cü illə müqayisədə 162,3 milyon kVt·st artımla 769,5 milyon kVt·st elektrik enerjisi istehsal edilib.
Qeyd olunur ki, 2025-ci il üzrə Azərbaycanda elektrik enerjisinin ümumi istehsalı 262,3 milyon kVt·st artaraq 28,657 milyard kVt·st təşkil edib, bu da 0,9% artım deməkdir.
